Nunap avataanut angalasut 2015-imi amerlatsipput
Timmisartunut ilaasartaatinut ilaasut katillugit 75.320-usimapput. Siornamut sanilliullugu 8,2 pct.-inik amerlanerullutik.
Titartagaq 1. Nunap avataanut timmisartuussinermi pissusissamisoortumik angalasunut ilaasut, 2014 aamma 2015
Najoqqutaq: www.bank.stat.gl/TUNUPAX
Ilulissat Rekjavíkillu akornanni angalasarnerit amerlatsinnerat pillugu Ilulissat aqqusaarlugu timmisartunut ilaasartaatinut nunap avataanut angalasartut, ilaasoqarnerat siornamut sanilliullugu 66,6 pct.-inik ilasimapput. Mittarfeqarfiinni mittarfik ataaseq annikinnerusunik angalasoqarsimavoq. Tassa Kulusummi -2,6 pct.-inik ilaasut ikilisimagamik, Kulusummi 167-inik ikinnerusunik angalasoqarsimavoq.
Timmisartunut attartukkanut ilaasut aamma timmisartunut ilaasartaatinut ilaasut nunagisaminnik nalunaarsuinerat
2015-imi inuit 80.862-it nunap avataanut timmisartunut attartukkanut aamma timmisartunut ilaasartaatinut ilaallutik angalasimapput. Taakkunani 20,7 pct.-ii nunagisaat nalunaarutigineqarsimanngilaq.
Nunagisaminik nalunaarsimasut 28,9 pct.-ii nunatsinni najugaqartuupput, 25,3 pct.-iillu Danmarkimi najugaqartuullutik, 25,1 pct.-iilu nunani allani najuqarlutik.
Kisitsisit maanna saqqummiuneqartut tamaasa kisitsisaasivimmi nassaarineqarsinnaapput Naatsorsueqqissaartarfiup nittartagaani http://bank.stat.gl-imi. Namminerlu naatsorsueqqissaakkat atorlugit isikkulersuerusukkuit Kisitsisaasivik atorsinnaavat.
Paasissutissanik annertunerusunik ujartuisoqassaguni Naatsorsueqqissaartarfiup pisortaa Anders Blaabjerg oqarasuaat 34 57 81 atorlugu saaffigineqarsinnaavoq imaluunniit siunnersorti Ivalu Rosing e-mailikkut ivro@stat.gl.